Lissabonning "Sporting" klubi markaziy himoyachisi Usmon Diomandega yana bir top-klub qiziqish bildirmoqda. Avvalroq 20 yoshli futbolchiga Angliya Premyer-ligasining gigantlaridan biri, jumladan Londonning “Arsenal” va “Chelsi”, shuningdek, “Liverpul” ham qiziqish bildirayotgan edi.
O jogo xabariga ko‘ra, "Bavariya" ham Diomandega e’tibor qaratmoqda. Myunxenliklarning ivuarlik futbolchiga qiziqishi so‘nggi paytlarda sezilarli darajada oshdi. Transfermarkt ekspertlari futbolchining narxini 40 million yevroga baholamoqda.
Usmon Diomande joriy mavsum “Sporting Lissabon” safida 29 ta o‘yinda maydonga tushib, 2 ta gol va 1 ta golli uzatmaga mualliflik qilgan.
