Erik ten Xag "Manchester Yunayted"ning Chempionlar ligasiga yo‘l olish imkoniyatlarini baholadi.
Kecha "Manchester Yunayted" APLning 30-turi doirasida "Brentford" bilan durang o‘ynadi (1:1).
Ten Xag jamoasi 5-o‘rindan sakkiz ochko ortda qolgan holda jadvalning 6-pog‘onasida bormoqda.
"Oldinda hali ko‘p o‘yinlar bor, lekin, albatta, mavsum oxiriga kelib ochkolar qiymati oshadi. "Brentford"ga qarshi o‘yinda uchta gol urishimiz kerak edi, ammo bitta gol urdik.
Mavsum oxirigacha hammasi qanday bo‘lishini bilib olamiz. Bu nuqta ham juda muhim bo‘ladi", dedi Ten Xag.
4 aprel kuni «Manchester Yunayted» APLning 31-turi doirasida «Chelsi»ga qarshi safarda maydonga tushadi.
