"Sevilya" markaziy himoyachisi Serxio Ramos "Xetafe" bilan o‘yindan (0:1) so‘ng ispan futbolidagi irqchilik muammosi haqida gapirdi, bu o‘yinda raqib muxlislari Andalusiya klubi futbolchisi Markos Akunya va uning bosh murabbiyi Kike Sanches Floresni irqiy haqorat qilishdi.
“Bunday odamlar bilan kurashish va stadionlarga kirishni taqiqlash kerak. Bizning futbol borgan sari bu botqoqqa botib ketyapti", - deya Ramosning so‘zlarini keltirmoqda DAZN.
Eslatib o‘tamiz, “Xetafe” – “Sevilya” (0:1) o‘yinida mezbon muxlislar Akunyaga “maymun” deya baqirgan, Floresga esa “lo‘li” deya hayqirgandi.
