“Shtutgart” darvozaboni Aleksandr Nyubel faoliyatini qayerda davom ettirishni xohlashi haqida gapirdi. Germaniyalik darvozabon “Bavariya”ga tegishli bo‘lib, joriy mavsumda “shvabiyaliklar” safida ijara asosida o‘ynamoqda.
"Bavariya" bilan yana bir yil shartnomam bor, ammo "Shtutgart"da o‘zimni juda qulay his qilyapman. Menimcha, buni hamma biladi. Muzokaralar yaqin haftalarda bo‘lib o‘tadi. Mening agentim nima istayotganimni biladi", dedi Nyubel.
Avvalroq, "Bavariya" va "Shtutgart" Nyubelning keyingi mavsum uchun ijarasini uzaytirishga rozi bo‘lishi mumkinligi haqida xabar berilgandi.
