“Штутгарт” дарвозабони Александр Нюбель фаолиятини қаерда давом эттиришни хоҳлаши ҳақида гапирди. Германиялик дарвозабон “Бавария”га тегишли бўлиб, жорий мавсумда “швабияликлар” сафида ижара асосида ўйнамоқда.
"Бавария" билан яна бир йил шартномам бор, аммо "Штутгарт"да ўзимни жуда қулай ҳис қиляпман. Менимча, буни ҳамма билади. Музокаралар яқин ҳафталарда бўлиб ўтади. Менинг агентим нима истаётганимни билади", деди Нюбель.
Аввалроқ, "Бавария" ва "Штутгарт" Нюбелнинг кейинги мавсум учун ижарасини узайтиришга рози бўлиши мумкинлиги ҳақида хабар берилганди.
