"Barselona" rahbariyati bosh murabbiy Xavi Ernandes bo‘yicha rejalari borasida turlicha fikrda.
Eslatib o‘tamiz, ispaniyalik mutaxassis mavsum yakunida jamoani tark etishini yanvar oyida e’lon qilgan edi, ammo klub hali ham murabbiy fikrini o‘zgartirishiga umid qilmoqda.
Sport nashri xabariga ko‘ra, "Barselona"da ba’zilar Xavining ketishini istashmoqda. Ularning fikricha, klubga xalqaro tajribaga ega yangi odam kerak. Biroq, barcha qarorlarni Xavining asosiy tarafdori bo‘lgan prezident Joan Laporta qabul qiladi. "Barselona" ayni damda Ispaniya chempionatida ikkinchi o‘rinda bormoqda va tez orada Chempionlar ligasining chorak finalida "PSJ" bilan o‘ynaydi.
