Pro-liganing 4-turida "Mash’al" o‘z maydonida voha derbisi doirasida G‘uzorning "Sho‘rtan" jamoasini qabul qiladi.

Uchrashuv rasmiylari

Muborakda bo‘lib o‘tadigan “Mash’al” – “ Sho‘rtan ” uchrashuvini Nayim Qosimov boshqarib boradi. Unga qanotlarda Farxod Usmonov va Artyom Kalinin yordam berishadi. Zahira xakami: Husnora Jumayeva. Hakamlar ishini Rustam Bobomurodov nazorat qiladi. Uchrashuv komissari: Diyor Xotamqulov.

O‘zaro o‘yinlar

“Mash’al” va “Sho‘rtan” shu kungacha chempionat bahslarida 34 marta to‘qnash kelgan. G‘alabalar bo‘yicha “Mash’al” 20ta, “Sho‘rtan” esa 12tadan yutuqqa erishgan. 2 o‘yin durang bilan yakunlangan. Muborakliklar raqib darvozasini 59 bor ishg‘ol qilgan bo‘lsalar, g‘uzorliklar esa 29 gol urishgan.

“Mash’al”ning o‘zaro o‘yinlarda qozongan eng yirik g‘alabasi – 5:0 ga teng. “Sho‘rtan”da bu ko‘rsatkich 3:1 bo‘lib turibdi.