Про-лиганинг 4-турида "Машъал" ўз майдонида воҳа дербиси доирасида Ғузорнинг "Шўртан" жамоасини қабул қилади.

Учрашув расмийлари

Муборакда бўлиб ўтадиган “Машъал” – “ Шўртан ” учрашувини Найим Қосимов бошқариб боради. Унга қанотларда Фарход Усмонов ва Артём Калинин ёрдам беришади. Заҳира хаками: Ҳуснора Жумаева. Ҳакамлар ишини Рустам Бобомуродов назорат қилади. Учрашув комиссари: Диёр Хотамқулов.

Ўзаро ўйинлар

“Машъал” ва “Шўртан” шу кунгача чемпионат баҳсларида 34 марта тўқнаш келган. Ғалабалар бўйича “Машъал” 20та, “Шўртан” эса 12тадан ютуққа эришган. 2 ўйин дуранг билан якунланган. Муборакликлар рақиб дарвозасини 59 бор ишғол қилган бўлсалар, ғузорликлар эса 29 гол уришган.

“Машъал”нинг ўзаро ўйинларда қозонган энг йирик ғалабаси – 5:0 га тенг. “Шўртан”да бу кўрсаткич 3:1 бўлиб турибди.