Angliya premyer-ligasining 31-tur uchrashuvlari bo‘lib o‘tmoqda.
"Vest Xem" o‘z maydonida “Tottenxem”ni qabul qildi, ammo “shporlar”ni mag‘lub eta olmadi – 1:1.
"Vest Xem" himoyachisi Kurt Zuma o‘yin natijalarini sharhlab, har ikki jamoa ham g‘alaba qozonishga haqli deb hisobladi.
"Voqealarga boy o‘yin bo‘ldi, shiddatli kechdi. Ikkala jamoa ham g‘alabaga intildi, ammo durang natija bilan maydonda katta kuch qoldirdi.
O‘ylaymanki, avvalgi omadsizlikka yaxshi munosabatda bo‘ldik. Umid qilamanki, biz bunga nisbatan yaxshi natijaga hafta oxirida erishamiz", - deya Zumaning so‘zlarini keltiradi BBC Sport.
