"Liverpul" bosh murabbiyi Yurgen Klopp APLning 31-turi doirasida "Sheffild Yunayted"ga qarshi kechgan g‘alabali o‘yindagi (3:1) jamoasining harakatlari haqida fikr bildirdi.

“Biz juda ko‘p harakat qilishimizga to‘g‘ri keldi, lekin bu yaxshi. Bizda yaxshi kayfiyat bor edi, lekin ko‘p daqiqalarda o‘zimizning eng yaxshi futbolimizni namoyish eta olmadik.

Tezkor paslar o‘yinning borishini qanday o‘zgartirishini ko‘rdik, 60 daqiqadan so‘ng Mak Allisterning goli o‘yinni butunlay o‘zgartirdi, uchinchi gol ham ajoyib bo‘ldi. Darvin Nunyes birinchi golni o‘z mehnati evaziga kiritdi. Bu qiyin bo‘ldi, lekin biz yaxshiroq o‘ynashimiz mumkin edi va g‘alaba qozonish uchun buni qildik”, - dedi Klopp.