Emmanuel Makron Kilian Mbappening Parij Olimpiadasida ishtirok etishiga umid qilmoqda.
Fransiyalik hujumchi 26 iyuldan 11 avgustgacha Parijda bo‘lib o‘tadigan Olimpiada o‘yinlarida ishtirok etish istagini bir necha bor ta’kidlagan. Biroq, klublar futbolchilarni FIFAdan tashqari musobaqalarga qo‘yib yuborishlari shart emas.
Shu juma kuni Fransiya prezidenti Parijdagi boshlang‘ich maktabga tashrifi chog‘ida maktab o‘quvchilarining Mbappe haqidagi savoliga javob berdi.
"Umid qilamanki, u Olimpiadada o‘ynay oladi" - dedi Makron.
Davlat rahbari, shuningdek, agar Fransiya saralashdan o‘tsa, har bir yirik futbol turnirida bo‘lganidek, yozda Yevro-2024 yarim finali va finali uchun Germaniyaga borishini aytdi.
"Agar biz yarim final yoki finalga chiqsak, men Germaniyaga boraman. Final – 14 iyul!" – deya ta’kidladi u.
