"Manchester Siti" yarim himoyachisi Mateo Kovachich bosh murabbiy Xosep Gvardiola bilan hamkorligi haqida fikr bildirdi.
“Xosep o‘yinlarga juda yaxshi tayyorgarlik ko‘radi va tafsilotlarga e’tibor beradi. U hamma narsani qiziqarli tarzda tushuntirishni biladi. Gvardiola ajoyib murabbiy va undan o‘rganishdan mamnunman. Umid qilamanki, biz birgalikda katta muvaffaqiyatlarga erishamiz", - deydi Kovachich.
Kovachich Angliya Premyer-ligasining ushbu mavsumida 22 ta o‘yinda maydonga tushdi, biroq birorta ham samarali harakatga erisha olmadi.
