"Bavariya" hujumchisi Serj Gnabri 2019/20 yilgi Chempionlar ligasi guruh bosqichida Londonning "Tottenxem" jamoasiga qarshi o‘yinni esladi. O‘shanda “qizil mashina” safarda “shporlar”ni 7:2 hisobida mag‘lub etdi va Gnabri poker qayd etdi. "Tottenxem"ning sobiq sardori Harri Keyn o‘tgan yozda "Bavariya"ga o‘tgan edi.
"Men Keynni "Tottenxem"ga qarshi o‘yinda pokerim bilan mazax qildimmi? Buni bir marta aytib o‘tdim, lekin qayta to‘xtalmoqchi emasman. Endi "Arsenal" bilan o‘yinga oz qoldi. O‘z saviyasini ko‘rsatish navbati Keynga. U bizni yarim finalga olib chiqish uchun imkoni boricha ko‘proq gol urishi kerak", - deydi Gnabri.
