"Бавария" ҳужумчиси Серж Гнабри 2019/20 йилги Чемпионлар лигаси гуруҳ босқичида Лондоннинг "Тоттенхэм" жамоасига қарши ўйинни эслади. Ўшанда “қизил машина” сафарда “шпорлар”ни 7:2 ҳисобида мағлуб этди ва Гнабри покер қайд этди. "Тоттенхэм"нинг собиқ сардори Ҳарри Кейн ўтган ёзда "Бавария"га ўтган эди.
"Мен Кейнни "Тоттенхэм"га қарши ўйинда покерим билан мазах қилдимми? Буни бир марта айтиб ўтдим, лекин қайта тўхталмоқчи эмасман. Энди "Арсенал" билан ўйинга оз қолди. Ўз савиясини кўрсатиш навбати Кейнга. У бизни ярим финалга олиб чиқиш учун имкони борича кўпроқ гол уриши керак", - дейди Гнабри.
