"Arsenal" himoyachisi "Bavariya"ga qarshi o‘yinda o‘z jarima maydonchasi ichida to‘pni qo‘li bilan ushlab oldi.

Londonliklar Chempionlar ligasi 1/4 finalining ilk uchrashuvida Myunxen klubi bilan o‘z maydonida durang o‘ynadi (2:2).

67-daqiqada 2:1 hisobida "Bavariya" foydasiga hal bo‘layotgan paytda, hakam o‘yinni qayta boshlash uchun hushtagi chaldi, “Arsenal” darvozaboni David Rayya to‘pni Gabriel Magalyaesga uzatdi, ammo braziliyalik futbolchi to‘pni qo‘liga olib, qayta o‘ynadi.

Germaniya klubi yarim himoyachisi Jamol Musiala penalti belgilanishi bo‘yicha hakamga faol murojaat qila boshladi, biroq shvesiyalik hakam Glenn Nyuberg nuqtani ko‘rsatmadi, ammo "Arsenal"ga to‘pni o‘yinga qaytarishga ruxsat berdi.

O‘yindan so‘ng "Bavariya" bosh murabbiyi Tomas Tuxel Nyubergni tanqid qildi.

"Hakam juda katta xatoga yo‘l qo‘ydi - to‘pni qo‘li bilan ushlagani uchun penalti bor edi. Aqldan ozgan holat: raqib to‘pni maydonga tashladi, hakam hushtak chaldi, keyin esa himoyachi to‘pni qo‘lida ushladi.

Meni g‘azablantirgan narsa maydondagi hakamning tushuntirishi bo‘ldi. U futbolchilarimizga bu "bolalarcha xato" ekanligini va Chempionlar ligasining chorak finalida bunday narsa uchun penalti bermasligini aytdi.

Bu shunchaki dahshatli tushuntirish! Bolalarning xatosi, kattalarniki - nima farqi bor? Biz juda g‘azabdamiz, chunki bu jiddiy qaror va bu bizga qarshi", — dedi Tuxel.