"Арсенал" ҳимоячиси "Бавария"га қарши ўйинда ўз жарима майдончаси ичида тўпни қўли билан ушлаб олди.

Лондонликлар Чемпионлар лигаси 1/4 финалининг илк учрашувида Мюнхен клуби билан ўз майдонида дуранг ўйнади (2:2).

67-дақиқада 2:1 ҳисобида "Бавария" фойдасига ҳал бўлаётган пайтда, ҳакам ўйинни қайта бошлаш учун ҳуштаги чалди, “Арсенал” дарвозабони Давид Райя тўпни Габриэль Магальяэсга узатди, аммо бразилиялик футболчи тўпни қўлига олиб, қайта ўйнади.

Германия клуби ярим ҳимоячиси Жамол Мусиала пенальти белгиланиши бўйича ҳакамга фаол мурожаат қила бошлади, бироқ швециялик ҳакам Гленн Нюберг нуқтани кўрсатмади, аммо "Арсенал"га тўпни ўйинга қайтаришга рухсат берди.

Ўйиндан сўнг "Бавария" бош мураббийи Томас Тухель Нюбергни танқид қилди.

"Ҳакам жуда катта хатога йўл қўйди - тўпни қўли билан ушлагани учун пенальти бор эди. Ақлдан озган ҳолат: рақиб тўпни майдонга ташлади, ҳакам ҳуштак чалди, кейин эса ҳимоячи тўпни қўлида ушлади.

Мени ғазаблантирган нарса майдондаги ҳакамнинг тушунтириши бўлди. У футболчиларимизга бу "болаларча хато" эканлигини ва Чемпионлар лигасининг чорак финалида бундай нарса учун пенальти бермаслигини айтди.

Бу шунчаки даҳшатли тушунтириш! Болаларнинг хатоси, катталарники - нима фарқи бор? Биз жуда ғазабдамиз, чунки бу жиддий қарор ва бу бизга қарши", — деди Тухель.