Mikel Artetaning fikricha, "Arsenal" Myunxenda "Bavariya"ni mag‘lub eta oladi.

"Ushbu o‘yinda turli vaziyatlar bo‘ldi. Biz buni juda yaxshi boshladik, ustunlik qildik va vaziyat yaratilishiga yo‘l qo‘ymadik. Biz juda yaxshi gol urdik va shundan so‘ng Ben Uaytda yaxshi vaziyat bo‘ldi. Agar hisob 2:0ga aylanganida hammasi butunlay boshqacha bo‘lardi.

Ammo raqib gol urdi va biroz noaniqlik kiritdi. O‘tkazib yuborilgan ikkinchi gol biz uchun atipik bo‘ldi, ammo bu Chempionlar ligasi, siz xato qilasiz va jazolanasiz.

Biz raqibga yugurish uchun bo‘sh joy qoldirdik, u juda xavfli edi, lekin 1:2da ham biz ritm topishga harakat qildik, jamoaviy harakat qildik va imkoniyatlar yaratdik. Almashtirishlar o‘yinga ta’sir qildi.

Chempionlar ligasida raqibga biror narsaga ruxsat bersang, u bundan foydalanadi. Siz jazolanasiz. Bu futbol. Biz qila oladigan narsa oddiy narsalarda yaxshiroq bo‘lishdir.

Myunxenga kelib, g‘alaba qozonishga qodir ekanligimizga ishonaman. Biz juda yaxshi tayyorgarlik ko‘rishimiz kerak”, - dedi “Arsenal” bosh murabbiyi 2:2 hisobidagi durangdan so‘ng.