"Bayer" o‘z maydonida "Verder"ni 5:0 hisobida mag‘lub etdi va muddatidan avval – mavsum yakunlanishiga besh tur qolganida Germaniya chempionligini qo‘lga kiritdi.
Shu tariqa, Leverkuzen klubi tarixida ilk bor Bundesliga chempionligini qo‘lga kiritdi.
2012 yildan beri ilk bor Germaniya chempioni "Bavariya" emasligini ham alohida ta’kidlash joiz. O‘shanda 12 yil oldin Dortmundning "Borussiya" jamoasi chempionlikni qo‘lga kiritgandi. Keyin, ketma-ket o‘n bir mavsum davomida "Bavariya" Bundesliganing eng yaxshi jamoasiga aylandi. Va endi bu seriya tugadi.
Eslatib o‘tamiz, Xabi Alonso yaqinda keyingi mavsumda "Bayer"da qolish qarorini ma’lum qilgandi.
