Xarri Keyn "Bavariya" bilan o‘ynagan birinchi mavsumida birorta ham mamlakat sovrini qo‘lga kirita olmagan.

Bugun "Bayer" Bundesliganing 29-turida "Verder"ni mag‘lub etib (5:0) muddatidan avval Germaniya chempioniga aylandi. "Bavariya" 16 ochko ortda qolmoqda.

Shu tariqa, Keyn "Bavariya"dagi ilk mavsumidayoq birorta ham ichki sovrin yuta olmadi. O‘tgan yilning noyabr oyida myunxenliklar "Saarbryuken"ga yutqazib (1:2) Germaniya kubogidan chiqib ketishgandi, Keyn o‘sha uchrashuvni zaxira o‘rindig‘ida o‘tkazdi. Forvard "Bavariya" safida debyut qilgan Germaniya Superkubogi bahsida myunxenliklar "Leypsig"ga 0:3 hisobida imkoniyatni boy berdi.

E’tiborli tomoni, angliyalik futbolchi faoliyati davomida biror marta ham sovrin yutmagan.

Xarri Keyn o‘tgan yilning avgust oyida "Tottenxem"dan "Bavariya"ga o‘tgan edi.