Харри Кейн "Бавария" билан ўйнаган биринчи мавсумида бирорта ҳам мамлакат соврини қўлга кирита олмаган.
Бугун "Байер" Бундеслиганинг 29-турида "Вердер"ни мағлуб этиб (5:0) муддатидан аввал Германия чемпионига айланди. "Бавария" 16 очко ортда қолмоқда.
Шу тариқа, Кейн "Бавария"даги илк мавсумидаёқ бирорта ҳам ички соврин юта олмади. Ўтган йилнинг ноябрь ойида мюнхенликлар "Саарбрюкен"га ютқазиб (1:2) Германия кубогидан чиқиб кетишганди, Кейн ўша учрашувни захира ўриндиғида ўтказди. Форвард "Бавария" сафида дебют қилган Германия Суперкубоги баҳсида мюнхенликлар "Лейпциг"га 0:3 ҳисобида имкониятни бой берди.
Эътиборли томони, англиялик футболчи фаолияти давомида бирор марта ҳам соврин ютмаган.
Харри Кейн ўтган йилнинг август ойида "Тоттенхэм"дан "Бавария"га ўтган эди.
