Myunxenning “Bavariya” klubi hujumchi Serj Gnabri bilan nima qilishni hozircha hal qilmagan. Kicker xabariga ko‘ra, klubning ba’zi menejerlari germaniyalikni beqaror futbolchi va tez-tez jarohat oladi, degan fikrda.

Boshqa qismi esa Gnabri sog‘lom bo‘lsa, doim gol uradi va golli uzatma beradi, deb hisoblaydi. Qayd etilishicha, agar yozda Gnabriga da’vogarlar paydo bo‘lsa, "Bavariya" futbolchini sotishini istisno qilmaydi.

Serjning o‘ziga kelsak, hujumchi Myunxenda o‘zini qulay his qilmoqda va ketishni istamayapti. Joriy mavsumda turli jarohatlar tufayli Gnabri Germaniya Bundesligasida bor-yo‘g‘i 9 ta o‘yinda maydonga tushdi va 3 ta gol va 1 ta golli uzatmani amalga oshirdi.