Мюнхеннинг “Бавария” клуби ҳужумчи Серж Гнабри билан нима қилишни ҳозирча ҳал қилмаган. Kicker хабарига кўра, клубнинг баъзи менежерлари германияликни беқарор футболчи ва тез-тез жароҳат олади, деган фикрда.
Бошқа қисми эса Гнабри соғлом бўлса, доим гол уради ва голли узатма беради, деб ҳисоблайди. Қайд этилишича, агар ёзда Гнабрига даъвогарлар пайдо бўлса, "Бавария" футболчини сотишини истисно қилмайди.
Сержнинг ўзига келсак, ҳужумчи Мюнхенда ўзини қулай ҳис қилмоқда ва кетишни истамаяпти. Жорий мавсумда турли жароҳатлар туфайли Гнабри Германия Бундеслигасида бор-йўғи 9 та ўйинда майдонга тушди ва 3 та гол ва 1 та голли узатмани амалга оширди.
