Ertaga "Barselona" Chempionlar ligasi chorak final javob o‘yinida "PSJ"ni qabul qiladi. Birinchi uchrashuvda kataloniyaliklar 3:2 hisobida zafar quchgandi. Xavi o‘yin oldidan fikrlarini bildirib o‘tdi.
"Bu barchamiz uchun katta imkoniyat. Uy arenasi omili bizning foydamizga, lekin Monjuik Kamp Nouga o‘xshamaydi.
Luis Enrike hamma narsaga intiladi va uning rejasi bosim o‘tkazish va himoya chizig‘ini kuchaytirish bo‘ladi. U dunyoning eng yaxshi murabbiylaridan biri va men "PSJ"dan dadil harakat qilishini kutaman. Umidlarimiz, istaklarimiz ko‘p... Bu oqshom o‘zgacha bo‘lishi mumkin", - dedi “Barselona” bosh murabbiyi.
