Dortmundning “Borussiya” klubi bosh murabbiyi Edin Terzich jamoaning yarim finalga chiqqani haqida fikr bildirdi.
Madridda 1:2 hisobida mag‘lub bo‘lgan “asalarilar” javob o‘yinida o‘z maydonida g‘alaba qozonishdi – 4:2.
Dortmundliklar Chempionlar Ligasi yarim finalida “PSJ”ga qarshi maydonga tushadi.
"Men baxtliman va natijadan juda faxrlanaman. Atmosfera ajoyib edi. Raqib bizni jazolashi mumkin bo‘lgan paytlar bo‘ldi, ammo biz yakunda o‘z fazilatlarimizni ko‘rsatdik va oldinga o‘tishga haqli edik.
G‘urur bilan ayta olamanki, biz “Atletiko”dek kuchli jamoani haqli ravishda mag‘lub etdik”, — deya so‘nggi 11 yil ichida ilk bor “Borussiya”ni Chempionlar ligasining yarim finaliga olib chiqqan Terzichning so‘zlarini keltiradi TMW.
