Дортмунднинг “Боруссия” клуби бош мураббийи Эдин Терзич жамоанинг ярим финалга чиққани ҳақида фикр билдирди.
Мадридда 1:2 ҳисобида мағлуб бўлган “асаларилар” жавоб ўйинида ўз майдонида ғалаба қозонишди – 4:2.
Дортмундликлар Чемпионлар Лигаси ярим финалида “ПСЖ”га қарши майдонга тушади.
"Мен бахтлиман ва натижадан жуда фахрланаман. Атмосфера ажойиб эди. Рақиб бизни жазолаши мумкин бўлган пайтлар бўлди, аммо биз якунда ўз фазилатларимизни кўрсатдик ва олдинга ўтишга ҳақли эдик.
Ғурур билан айта оламанки, биз “Атлетико”дек кучли жамоани ҳақли равишда мағлуб этдик”, — дея сўнгги 11 йил ичида илк бор “Боруссия”ни Чемпионлар лигасининг ярим финалига олиб чиққан Терзичнинг сўзларини келтиради ТМW.
