"PSJ" hujumchisi Kilian Mbappe jamoasining Chempionlar ligasidagi muvaffaqiyatidan xursand.
Parij grandi chorak final javob uchrashuvida “Barselona” ustidan qozonilgan g‘alaba (4:1) evaziga yarim finalga chiqishga muvaffaq bo‘ldi.
Eslatib o‘tamiz, birinchi uchrashuvda "PSJ" o‘z maydonida mag‘lub bo‘lgandi – 2:3.
"Men parijlik ekanligimdan faxrlanaman. Men bu klubda o‘ynaganimdan va o‘z mamlakatim poytaxti sharafini himoya qilganimdan xursandman.
Men shu yerda o‘sganman va bu men uchun alohida voqelik. Bunday oqshomlarni boshdan kechirish juda yoqimli.
Mening orzum – "PSJ" bilan Chempionlar ligasida g‘alaba qozonish. Biz finalga chiqish uchun qo‘limizdan kelganini qilamiz", dedi “Barselona”da dubl qayd etgan Mbappe o‘yindan keyingi intervyusida.
