"Barselona" sport direktori Deku haligacha bosh murabbiy Xavi Ernandesning klubda qolishi mumkinligini inkor etmayapti.
Kataloniyalik murabbiy mavsum oxirida ketishga yana yanvar oyida qaror qilgan va shundan beri jurnalistlar mutaxassisdan bu boradagi fikrini o‘zgartirdimi yoki yo‘qmi, deb tinmay so‘rashmoqda.
Xavi o‘z qaroriga sobit turadi, ammo klub baribir vaziyat o‘zgarishi mumkinligiga ishonmoqda.
"Xavi bizning loyihamizning bir qismidir. Biz har doim uning klub hayotida qanday faol ishtirok etishi haqida gaplashardik.
Mavsum davom etar ekan, u shunday qarorga keldi, ammo kelajakda u bilan bu masalani muhokama qilamiz.
Agar u qolishga qaror qilsa, biz juda xursand bo‘lamiz", - dedi Deku.
