"Vest Xem" bosh murabbiyi Devid Moyes "Bayer"ga qarshi Yevropa ligasi 1/4 final javob o‘yini oldidan fikr bildirdi.
Birinchi o‘yinda “bolg‘achilar” yakunda ikkita gol o‘tkazib yuborib, 0:2 hisobida mag‘lub bo‘lishdi.
"O‘tgan hafta katta o‘yin bo‘ldi, endi bizni yana bir katta o‘yin kutib turibdi. Ushbu so‘nggi bosqichlarda o‘yinlar qiziqarli.
Biz finalga chiqmoqchimiz, ammo buning uchun barcha bosqichlarni bosib o‘tishimiz kerak. O‘yin qanday ketishini hech qachon bilmaysiz.
Birinchi o‘yinda yaxshi harakat qildik, ammo bu hali ham yetarli bo‘lmadi.
O‘tgan haftadagi kabi ertaga ham juda qattiq harakat qilamiz", - dedi Moyes matbuot anjumanida.
