"Вест Хэм" бош мураббийи Дэвид Мойес "Байер"га қарши Европа лигаси 1/4 финал жавоб ўйини олдидан фикр билдирди.
Биринчи ўйинда “болғачилар” якунда иккита гол ўтказиб юбориб, 0:2 ҳисобида мағлуб бўлишди.
"Ўтган ҳафта катта ўйин бўлди, энди бизни яна бир катта ўйин кутиб турибди. Ушбу сўнгги босқичларда ўйинлар қизиқарли.
Биз финалга чиқмоқчимиз, аммо бунинг учун барча босқичларни босиб ўтишимиз керак. Ўйин қандай кетишини ҳеч қачон билмайсиз.
Биринчи ўйинда яхши ҳаракат қилдик, аммо бу ҳали ҳам етарли бўлмади.
Ўтган ҳафтадаги каби эртага ҳам жуда қаттиқ ҳаракат қиламиз", - деди Мойес матбуот анжуманида.
