Italiyaning “Milan” klubi Yevropa ligasida qolishga harakat qilishi kerak bo‘ladi Stefano Pioli shogirdlari birinchi o‘yinda 0:1 hisobida imkoniyatni boy berib, “Roma” bilan javob o‘yinini o‘tkazadi.
"Milan"ning sobiq bosh murabbiyi Arrigo Sakki bo‘lajak o‘yindan oldin fikrlari bilan o‘rtoqlashdi.
"Milan" yaxshiroq o‘ynashi, birinchi o‘yinda qilmagan ishni qilishi kerak. O‘ylaymanki, o‘yin tomoshabinlar uchun qiziqarli bo‘ladi, umid qilamanki, "Milan" haqiqiy jamoadek o‘yin ko‘rsatadi. Birinchi o‘yinda esa "Roma" ustunlik bilan g‘alaba qozondi, de Rossi ajoyib, u hozircha yaxshi harakat qilmoqda", - deya Sakki so‘zlarini keltiradi pianetamilan.it.
