Италиянинг “Милан” клуби Европа лигасида қолишга ҳаракат қилиши керак бўлади Стефано Пиоли шогирдлари биринчи ўйинда 0:1 ҳисобида имкониятни бой бериб, “Рома” билан жавоб ўйинини ўтказади.
"Милан"нинг собиқ бош мураббийи Арриго Сакки бўлажак ўйиндан олдин фикрлари билан ўртоқлашди.
"Милан" яхшироқ ўйнаши, биринчи ўйинда қилмаган ишни қилиши керак. Ўйлайманки, ўйин томошабинлар учун қизиқарли бўлади, умид қиламанки, "Милан" ҳақиқий жамоадек ўйин кўрсатади. Биринчи ўйинда эса "Рома" устунлик билан ғалаба қозонди, де Росси ажойиб, у ҳозирча яхши ҳаракат қилмоқда", - дея Сакки сўзларини келтиради pianetamilan.it.
