"Yuventus" Krishtianu Ronalduga qarshi da’vosida mag‘lub bo‘ldi.
Portugaliyalik Turin klubi bilan yashirin kelishuvga erishib, koronavirus pandemiyasi vaqtida "Yuventus"ga maoshlarni kechiktirishga ruxsat bergandi. Ushbu kelishuv doirasida "byankoneri"lar haligacha va’da qilingan 19,9 million yevroni forvard hisobiga o‘tkazmadi, ular pullarni Krishtianu ketgan taqdirda ham to‘lashni va’da qilishgan. O‘tgan yilning sentyabrida forvard bu vaziyatni sudga oshirmoqchi ekani ma’lum bo‘lgandi.
Sport Mediaset nashrining xabar berishicha, sud jarayoni natijasida futbolchi 9,77 million yevro va foizlar oladi. Shu bilan birga, hakamlik hay’ati har ikki tomon ham javobgar deb qaror qildi. Ronaldu e’tiborsizlik va ehtiyotsizlikda aybdor deb topildi va shuning uchun pulning faqat yarmini oladi.
Qaror ko‘pchilik ovoz bilan qabul qilindi.
