"Manchester Yunayted"ning braziliyalik hujumchisi Antoni Angliya kubogi yarim finalida "Koventri Siti"ga qarshi bo‘lib o‘tadigan uchrashuv haqida gapirdi.

Eslatib o‘tamiz, uchrashuv 21 aprel kuni "Uembli" stadionida (London) bo‘lib o‘tadi. Uchrashuv 19:30da boshlanadi.

"Bunday tarixiy stadionda yarim finalda o‘ynash juda muhim. Raqib Chempionshipda o‘ynasa-da, biz ularni hurmat qilishimiz kerak, chunki ular Angliya kubogining yarim finaliga chiqishlari bejiz emas.

Men bu o‘yinni intiqlik bilan kutyapman. Raqiblarimizni o‘rganamiz, maqsadimizga erishishga tayyormiz.

Biz Angliya kubogi qanchalik muhimligini bilamiz va bu kubokni yutish biz va muxlislar uchun juda muhim.

Biz muxlislardan har bir o‘yinda qo‘llab-quvvatlaganliklari uchun juda minnatdormiz, ular bizni doim qo‘llab-quvvatlashadi.

Biz ulardan bu kubok uchun qarzdormiz, chunki ular bizni har kuni qo‘llab-quvvatlashadi", - deya Antonining so‘zlarini keltiradi «Yunayted» matbuot xizmati.