"Манчестер Юнайтед"нинг бразилиялик ҳужумчиси Антони Англия кубоги ярим финалида "Ковентри Сити"га қарши бўлиб ўтадиган учрашув ҳақида гапирди.
Эслатиб ўтамиз, учрашув 21 апрель куни "Уэмбли" стадионида (Лондон) бўлиб ўтади. Учрашув 19:30да бошланади.
"Бундай тарихий стадионда ярим финалда ўйнаш жуда муҳим. Рақиб Чемпионшипда ўйнаса-да, биз уларни ҳурмат қилишимиз керак, чунки улар Англия кубогининг ярим финалига чиқишлари бежиз эмас.
Мен бу ўйинни интиқлик билан кутяпман. Рақибларимизни ўрганамиз, мақсадимизга эришишга тайёрмиз.
Биз Англия кубоги қанчалик муҳимлигини биламиз ва бу кубокни ютиш биз ва мухлислар учун жуда муҳим.
Биз мухлислардан ҳар бир ўйинда қўллаб-қувватлаганликлари учун жуда миннатдормиз, улар бизни доим қўллаб-қувватлашади.
Биз улардан бу кубок учун қарздормиз, чунки улар бизни ҳар куни қўллаб-қувватлашади", - дея Антонининг сўзларини келтиради «Юнайтед» матбуот хизмати.
