"Paxtakor" bosh murabbiyi Maksim Shaskix O‘zbekiston kubogi guruh bosqichi 2-turi doirasida "Qo‘qon-1912" klubiga qarshi bo‘lib o‘tgan o‘yin (0:0) borasida o‘z fikrlari bilan o‘rtoqlashdi.

"Birinchi bo‘limda o‘yin taqdirini hal qilishimiz mumkin edi, biroq vaziyatlardan foydalana olmadik. Chetlatishdan keyin ham bizda juda yaxshi imkoniyatlar bo‘ldi. Gol ura olmadik. Yosh futbolchilarimizga bunday sur’atga to‘liq kirishib ketish uchun vaqt kerak. Zaxirada deyarli yosh bolalar o‘tirishdi, ular bunday darajada hali o‘ynashmagan. Raqobatning yo‘qligi mashg‘ulot va uchrashuvlarga ta’sir ko‘rsatadi. Olimpiya terma jamoasidagi yigitlar safga qaytsa, almashtirishga imkoniyat ko‘proq bo‘lardi. Bugun majburan bir o‘zgarish qila oldik xolos", — dedi  Shaskix.