"Пахтакор" бош мураббийи Максим Шацких Ўзбекистон кубоги гуруҳ босқичи 2-тури доирасида "Қўқон-1912" клубига қарши бўлиб ўтган ўйин (0:0) борасида ўз фикрлари билан ўртоқлашди.

"Биринчи бўлимда ўйин тақдирини ҳал қилишимиз мумкин эди, бироқ вазиятлардан фойдалана олмадик. Четлатишдан кейин ҳам бизда жуда яхши имкониятлар бўлди. Гол ура олмадик. Ёш футболчиларимизга бундай суръатга тўлиқ киришиб кетиш учун вақт керак. Захирада деярли ёш болалар ўтиришди, улар бундай даражада ҳали ўйнашмаган. Рақобатнинг йўқлиги машғулот ва учрашувларга таъсир кўрсатади. Олимпия терма жамоасидаги йигитлар сафга қайтса, алмаштиришга имконият кўпроқ бўларди. Бугун мажбуран бир ўзгариш қила олдик холос", — деди  Шацких.