Pirs Morgan Deklan Raysning ijrosini yuqori baholadi.

"Arsenal" APLning 34-turida "Vulverxempton"ni mehmonda mag‘lub etdi (2:0).

O‘yindan so‘ng teleboshlovchi va “Arsenal” muxlisi Pirs Morgan “kanonirlar” yarim himoyachisi Deklan Raysning o‘yinini yuqori baholadi.

"Haligacha "Arsenal" Premyer-ligada g‘alaba qozonishi mumkin deb o‘ylashimga sabab bu yigit (Rays). U ko‘p o‘yinlarda bo‘lgani kabi bugun ham zo‘r edi", - deb yozadi Morgan.

"Arsenal" hozirda 74 ochko bilan APL turnir jadvalida peshqadamlik qilmoqda. “Siti” (73) va “Liverpul” (71) jamoalarida bittadan o‘yin bor.

Premyer-liganing joriy mavsumida Rays 33 ta o‘yin o‘tkazib, 6 ta gol urdi va 5 ta golli uzatmani amalga oshirdi.