"Real Madrid" rahbariyati jamoa darvozaboni Andrey Lunin bilan uzoq muddatli shartnoma imzolamoqchi, deb xabar beradi Marca.
Qayd etilishicha, yangi shartnoma imzolanishi yaqinlashmoqda, biroq barcha tafsilotlar hozircha kelishib olinmagan. Eslatib o‘tamiz, tomonlar o‘rtasidagi amaldagi kelishuv kelasi yozda yakuniga yetadi.
Madridning "Real" klubi yozda yangi darvozabon qo‘lga kiritish niyatida emas. Shuningdek, jamoada Kepa Arrisabalaganing ishi va fidoyiligi haqida hech qanday shikoyat yo‘q, ammo u baribir mavsum oxirida "Chelsi"ga qaytadi.
Lunin joriy mavsumda 27 ta o‘yinda 23 ta gol o‘tkazib yubordi va 12 marta o‘z darvozasi daxlsizligini saqlab qoldi.
