"Реал Мадрид" раҳбарияти жамоа дарвозабони Андрей Лунин билан узоқ муддатли шартнома имзоламоқчи, деб хабар беради Marca.
Қайд этилишича, янги шартнома имзоланиши яқинлашмоқда, бироқ барча тафсилотлар ҳозирча келишиб олинмаган. Эслатиб ўтамиз, томонлар ўртасидаги амалдаги келишув келаси ёзда якунига етади.
Мадриднинг "Реал" клуби ёзда янги дарвозабон қўлга киритиш ниятида эмас. Шунингдек, жамоада Кепа Аррисабалаганинг иши ва фидойилиги ҳақида ҳеч қандай шикоят йўқ, аммо у барибир мавсум охирида "Челси"га қайтади.
Лунин жорий мавсумда 27 та ўйинда 23 та гол ўтказиб юборди ва 12 марта ўз дарвозаси дахлсизлигини сақлаб қолди.
