“Kristal Pelas” va “Vest Xem” muxlislarga sermahsul o‘yin taqdim etishdi.
Yettinchi daqiqada Maykl Olise boshi bilan gol urib, mezbonlarni hisobda oldinga olib chiqdi. Eberechi Eze birozdan so‘ng hisobni 2:0 ko‘rinishiga keltirdi.
20-daqiqadayoq mezbonlar raqibning avtogolidan so‘ng yirik hisobda oldinga chiqib olishdi. Tanaffusgacha Jan-Filipp Mateta gol urdi. Maykl Antonio 40-daqiqada hisobni 4:1 ko‘rinishiga keltirdi.
Ikkinchi bo‘lim o‘rtalarida Mateta dubl qayd etdi. 89-daqiqada yana bir avtogol sodir bo‘ldi - 5:2. Ushbu g‘alabadan so‘ng “Kristal Pelas” 14-o‘ringa chiqib olgan bo‘lsa, ularning raqibi esa sakkizinchi o‘rinda qoladigan bo‘ldi.
