"Chelsi" bosh murabbiyi Maurisio Pochettino hujumchi Romelu Lukakuning klubdagi kelajagi haqida gapirdi.
30 yoshli futbolchi joriy mavsumni "Roma"da ijara asosida o‘tkazmoqda va yozda "ko‘klar"ga qaytadi. Ba’zi ma’lumotlarga ko‘ra, "Chelsi" belgiyalikni sotishni rejalashtirmoqda.
"Lukaku «Chelsi» futbolchisi, shuning uchun biz uni albatta ko‘rib chiqamiz. Bu variant. Ammo hozircha biz hech qanday qaror qabul qilganimiz yo‘q", - dedi Pochettino.
Joriy mavsumda Romelu Lukaku “Roma” safida 41 ta o‘yinda maydonga tushib, 18 ta gol urdi va 4 ta golga assistentlik qildi. Futbolchining "Chelsi" bilan shartnomasi 2026 yilning o‘rtalariga qadar mo‘ljallangan.