"Челси" бош мураббийи Маурисио Почеттино ҳужумчи Ромелу Лукакунинг клубдаги келажаги ҳақида гапирди.

30 ёшли футболчи жорий мавсумни "Рома"да ижара асосида ўтказмоқда ва ёзда "кўклар"га қайтади. Баъзи маълумотларга кўра, "Челси" бельгияликни сотишни режалаштирмоқда.

"Лукаку «Челси» футболчиси, шунинг учун биз уни албатта кўриб чиқамиз. Бу вариант. Аммо ҳозирча биз ҳеч қандай қарор қабул қилганимиз йўқ", - деди Почеттино.

Жорий мавсумда Ромелу Лукаку “Рома” сафида 41 та ўйинда майдонга тушиб, 18 та гол урди ва 4 та голга ассистентлик қилди. Футболчининг "Челси" билан шартномаси 2026 йилнинг ўрталарига қадар мўлжалланган.