Kataloniyaning "Barselona" klubi "Atletiko Madrid"dan ijara asosida to‘p tepayotgan hujumchi Joau Feliks borasida bir qarorga keldi. Mundo Deportivo xabariga ko‘ra, bosh murabbiy Xavi Ernandes portugaliyalikni asosiy o‘yinchilardan biri sifatida ko‘rmayapti, shu bois "blaugrana" hali Joauni doimiy ravishda sotib olishga tayyor emas.
Manbaga ko‘ra, "Barselona" eng ko‘pi bilan Feliksning ijara muddatini yana bir mavsumga uzaytirishi mumkin, ammo "Atletiko" rahbariyati hozirda portugaliyalik bilan doimiy ravishda xayrlashish niyatida.
Eslatib o‘tamiz, "matraschilar" avvalroq Joau uchun 80 million yevroga yaqin pul talab qilishgan, “Barselona” buni to‘lashga tayyor emasligi aniq.
