Каталониянинг "Барселона" клуби "Атлетико Мадрид"дан ижара асосида тўп тепаётган ҳужумчи Жоау Феликс борасида бир қарорга келди. Mundo Deportivo хабарига кўра, бош мураббий Хави Эрнандес португалияликни асосий ўйинчилардан бири сифатида кўрмаяпти, шу боис "блауграна" ҳали Жоауни доимий равишда сотиб олишга тайёр эмас.

Манбага кўра, "Барселона" энг кўпи билан Феликснинг ижара муддатини яна бир мавсумга узайтириши мумкин, аммо "Атлетико" раҳбарияти ҳозирда португалиялик билан доимий равишда хайрлашиш ниятида.

Эслатиб ўтамиз, "матрасчилар" аввалроқ Жоау учун 80 миллион еврога яқин пул талаб қилишган, “Барселона” буни тўлашга тайёр эмаслиги аниқ.