"Sevilya" yarim himoyachisi Lukas Okampos yozgi transfer oynasida jamoasini o‘zgartirishi mumkin. Todofichajes sahifalarida xabar berilganidek, 29 yoshli argentinalik futbolchiga Madridning “Atletiko” klubi qiziqish bildirmoqda.
"Matraschilar" bosh murabbiyi Diyego Simeone hamyurtini o‘z safiga qo‘shib olishga shaxsan qiziqmoqda. Potensial transfer summasi 12 million yevroga baholanmoqda.
Lukas Andalusiyaliklar bilan 2025 yilning iyun oyi oxirigacha shartnoma imzolagan. Joriy La Ligada Okampos 29 ta o‘yin o‘tkazib, 4 ta gol va 2 ta golli uzatmaga mualliflik qilgan.
