"Севилья" ярим ҳимоячиси Лукас Окампос ёзги трансфер ойнасида жамоасини ўзгартириши мумкин. Todofichajes саҳифаларида хабар берилганидек, 29 ёшли аргентиналик футболчига Мадриднинг “Атлетико” клуби қизиқиш билдирмоқда.
"Матрасчилар" бош мураббийи Диего Симеоне ҳамюртини ўз сафига қўшиб олишга шахсан қизиқмоқда. Потенциал трансфер суммаси 12 миллион еврога баҳоланмоқда.
Лукас Андалусияликлар билан 2025 йилнинг июн ойи охиригача шартнома имзолаган. Жорий Ла Лигада Окампос 29 та ўйин ўтказиб, 4 та гол ва 2 та голли узатмага муаллифлик қилган.
