"Liverpul"ning o‘ng qanot himoyachisi Trent Aleksander-Arnold mersisaydliklarning Angliya Premyer-ligasining joriy mavsumida chempion bo‘lish imkoniyatlari haqida gapirdi.

"Menimcha, mavsumning ushbu bosqichida "Manchester Siti"ning ochko yo‘qotish ehtimoli juda past. Buning sababi, bu o‘tmishda kamdan-kam sodir bo‘lgan. Ammo biz o‘z pozisiyamizda bo‘lishimiz kerak. O‘tgan hafta biz uchun yomon bo‘ldi, biz o‘zimiz xohlagan natijalarga erisha olmadik, undan foydalana olmadik.

Ammo biror narsa yuz bersa, "Arsenal" va "Man Siti" ochko yo‘qotsa, biz yaxshi holatda bo‘lamiz. Bundan buyon bizni beshta final kutib turibdi. Beshta g‘alabadan beshtasini qo‘lga kiritish, bu o‘zimizdan kutishimiz mumkin bo‘lgan yagona narsa, biz intilishimiz kerak bo‘lgan yagona narsadir", - deya Aleksandr-Arnoldning so‘zlarini keltiradi klub rasmiy sayti.

Bugungi kunga kelib, APL turnir jadvalida “Arsenal” yetakchilik qilmoqda. “Liverpul” ikkinchi, “Manchester Siti” esa uchinchi o‘rinda.