Angliya chempionatining 29-turidan o‘rin olgan qoldirilgan o‘yinda “Manchester Yunayted” o‘z maydonida “Sheffild Yunayted”ni 4:2 hisobida mag‘lub etdi.
Uchrashuv natijasini mankunianliklarning murabbiyi Erik ten Xag izohladi.
"Ko‘p yaxshi narsalarni ko‘rdim. Oldingi muvaffaqiyatsizliklarga qaramay, kurashish istagi. Ammo yomon narsa ham bor edi. Bu uchrashuvdagi kabi tashabbusni qo‘ldan chiqara olmaymiz. Lekin men hali ham g‘alaba qozonganimizdan xursandman", - dedi murabbiy.
"Manchester Yunayted" turnir jadvalida oltinchi o‘rinni egallab turibdi.
