«PSJ» prezidenti Nosir Al-Xelayfiy navbatdagi chempionlik unvoni haqida gapirdi.
Parijliklar turnir yakuniga uch tur qolganida Liga 1 oltinini kafolatlashdi:
“Monako” “Lion”dan mag‘lub bo‘ldi (2:3), shuning uchun ular endi 12 ochkolik farqni to‘ldira olmaydi.
“Chempionlikda g‘alaba qozonish – fantastika, lekin buni 12-marta qilganimiz juda yoqimli. Futbolchilarni, Luis Enrike va butun murabbiylar shtabi, Luish Kampush va uning butun bo‘limi, shuningdek, klub bilan bog‘liq bo‘lgan barchani tabriklayman.
Jamoa mavsum boshidanoq birlashdi. Natijalar qanday bo‘lishidan qat’iy nazar biz bilan birga bo‘lgan muxlislarni ham unutmasligimiz kerak.
Biz bu muvaffaqiyatni qadrlaymiz va keyin astoydil ishlashda davom etamiz. Biz mavsum oxirigacha o‘z ishimizni qilishimiz kerak", - dedi Al-Xelayfiy.
