«ПСЖ» президенти Носир Ал-Хелайфий навбатдаги чемпионлик унвони ҳақида гапирди.
Парижликлар турнир якунига уч тур қолганида Лига 1 олтинини кафолатлашди:
“Монако” “Лион”дан мағлуб бўлди (2:3), шунинг учун улар энди 12 очколик фарқни тўлдира олмайди.
“Чемпионликда ғалаба қозониш – фантастика, лекин буни 12-марта қилганимиз жуда ёқимли. Футболчиларни, Луис Энрике ва бутун мураббийлар штаби, Луиш Кампуш ва унинг бутун бўлими, шунингдек, клуб билан боғлиқ бўлган барчани табриклайман.
Жамоа мавсум бошиданоқ бирлашди. Натижалар қандай бўлишидан қатъий назар биз билан бирга бўлган мухлисларни ҳам унутмаслигимиз керак.
Биз бу муваффақиятни қадрлаймиз ва кейин астойдил ишлашда давом этамиз. Биз мавсум охиригача ўз ишимизни қилишимиз керак", - деди Ал-Хелайфий.
